Kunst og livshøgtider
Under Gudbrandsdalsseminaret 2017 gjekk vi inn i emne som har å gjera med livshøgtidene, fødsel og dåp, konfirmasjon og giftarmål, død og gravlegging. Det andre temaet gjaldt kunst, folkekunst og profesjonell kunst. Knytt til spørsmåla kring livshøgtidene var det nær å sjå på kunstnarlege uttrykk inspirerte av overgangane i tilværet, kyrkja og gravstadene. Vi fekk og ein presentasjon av det som rører seg i dagens kunst i distriktet vårt.
Mange av oss får namnet sitt skrive i stein, og gravminna har ein like lang tradisjon som kyrkjene og gravstadene. Enda eldre er gravhaugane med sine skikkar som arkeologane avdekkjer, også hos oss. I livet er lekamslysta aller eldst. I 2015 kom det andre bindet av tobindsverket Lekamslyst, med tilrettelegging og presentasjon av folkeleg erotisk dikting i Noreg som på det meste til nå har ligge bortgøymt i arkiva. Ikkje minst i Gudbrandsdalen har fantasien blomstra på dette kroppsnære feltet. Ut ifrå slik djup menneskeleg trong lever vi med det å bli vaksen, og det å finne seg ein make, og med utvikling av utstyr og skikkar knytte til konfirmasjon og giftarmål.
Pecha kucha:
